1 USD =3.079 GEL 1 EUR =3.624 GEL 1 AZN =1.811 GEL 1 TRY =0.421 GEL 1 RUB =4.211 GEL
21 
Fev
2020
12:41
1682

Gürcüstan Müsəlmanları İdarəsi hökumətə müraciət etdi: Din xadimlərinin əməkhaqqı azdır

Gürcüstanda müsəlman din xadimlərinin əməkhaqqının artırılması ilə bağlı hökumətə müraciət olunub.

InterPress.ge xəbər verir ki, bunu “Report”un yerli bürosuna açıqlamasında Gürcüstan Müsəlmanları İdarəsinin (GMİ) sədri Şeyx Hacı Ramin İgidov bildirib.

O deyib ki, müraciət Gürcüstan hökuməti ilə yanaşı, Dini Məsələlər üzrə Dövlət Agentliyinə də təqdim olunub: “Müraciətimizdə 430 axundun əməkhaqqının ən azı 20 faiz artırılmasını xahiş etmişik. Hazırda onların maaşları orta hesabla 350 lari təşkil edir. Gürcüstanda dolların son dövrlər bahalaşması səbəbindən din xadimlərinin əməkhaqqı azdır və onlar maddi sıxıntılarla üzləşirlər”.

GMİ sədri Gürcüstan hökumətinin və aidiyyəti dövlət qurumlarının müraciəti nəzərə alıb müsbət qərar verəcəklərinə ümidvar olduğunu qeyd edib.

Bizimlə əlaqə saxlayın



Digər "cəmiyyət" xəbərləri