Bolnisidə 35 min ton kartof məhsulu gözlənilir
Gürcüstanın ətraf mühit və kənd təsərrüfatı nazirinin müavini Solomon Pavliaşvili və Bolnisi Bələdiyyəsinin meri David Şerazadişvili Naxaduri (Arıxlı) kəndində yerləşən paylama məntəqəsini ziyarət etdilər.
InterPress.ge xəbər verir ki, bu paylama məntəqəsi yeni koronavirus pandemiyası şəraitində kartofun təhlükəsiz və fasiləsiz ixracını təmin etmək məqsədi ilə açılıb.
Dağıtım məntəqəsində xarici ölkələrin vətəndaşı olan sürücülər məhsulların satışı üçün lazım olan sənədləri "bir pəncərə" prinsipi əsasında yerindəcə ala biləcəklər.
“Bu il Bolnisi bələdiyyəsində proqnozlaşdırılan kartof məhsulu 35 min tondur. Fermerlər məhsulu sərbəst toplaya, təhvil verə və sata bilməsi bizim üçün vacibdir.
Bir paylama nöqtəsi açmaq üçün Naxaduri kəndini seçdik, çünki logistika baxımından yaxın kəndlər üçün əlverişli bir yerdir. Burada ixrac məhsulları ilə yüklənmiş avtomobillər yerləşdiriləcəkdir.
Epidemioloji vəziyyəti nəzərə alaraq, sürücülərin, xarici ölkə vətəndaşlarının, ərazilərdə və bağlarda hərəkətini məhdudlaşdırmaq lazımdır. İxrac məhsulları üçün bütün sənədlər "bir pəncərə" prinsipi əsasında verilir. Maşınların hərəkətinə nəzarət ediləcək", - deyə nazir müavini qeyd etdi.
