Xidmət agentliyi beynəlxalq sürücülük vəsiqələrinin verilməsinə başlayıb

Xidmət agentliyi 19 sentyabr 1949-cu il tarixli Yol hərəkəti haqqında Cenevrə Konvensiyasında nəzərdə tutulmuş beynəlxalq sürücülük vəsiqəsinin verilməsinə başlamışdır.

InterPress.ge xəbər verir ki, bu barədə məlumatı xidmət agentliyi yayır.

Qurumun məlumatına görə, beynəlxalq sürücülük vəsiqəsi milli sürücülük vəsiqəsi əsasında bir il müddətinə verilir və sənəd Gürcüstandan kənarda Cenevrə Konvensiyasına üzv olan ölkələrdə etibarlıdır.

Bundan əlavə, xidmət agentliyi 8 noyabr 1968-ci il tarixli Vyana Konvensiyasına əsasən üç il müddətinə etibarlı olan beynəlxalq sürücülük vəsiqəsi də verir. 

Agentliyin məlumatına görə, sənəd Gürcüstandan kənarda Vyana Konvensiyasına üzv olan dövlətlərdə etibarlıdır. 

“Beynəlxalq sürücülük vəsiqəsi almaq üçün maraqlı şəxs xidmət orqanına şəxsiyyəti təsdiq edən sənədi və Milli sürücülük vəsiqəsini təqdim etməlidir”, - məlumatda deyilir.