21 yaşlı gənci qatar vuraraq öldürüb

Samtrediyada qatarın vurması nəticəsində 21 yaşlı gənc həyatını itirib. Hadisə Sanavardo yaşayış məntəqəsinin yaxınlığında baş verib.

InterPress.ge xəbər verir ki, yayılan məlumata görə, 21 yaşlı gənc ailə üzvü ilə birlikdə dəmir yolu xəttinin yaxınlığında işləyib. O, yolun qarşı tərəfinə keçmək istəyərkən bədbəxt hadisə baş verib. Gənc hadisə yerində həyatını itirib.

Hadisə ilə bağlı Gürcüstan Cinayət Məcəlləsinin 275-ci maddəsi ilə istintaq başlanıb.