08 
Fev
2020
12:12
658

WhatsApp-a bir çox insanın işinə yarıyacaq funksiya tətbiq olunacaq

"WhatsApp Pay" elektron ödəniş sistemi növbəti altı ay ərzində bir sıra ölkələrdə istifadəyə veriləcək.

InterPress.ge xəbər verir ki, bu barədə "Facebook" şirkətinin rəhbəri Mark Sukerberq bildirib.

Onun sözlərinə görə, "WhatsApp" messencerinin ödəniş interfeysi ilə birləşdirilməsi istifadəçilərə pulu fotoşəkillər kimi asan və tez göndərməyə imkan verəcək. M.Sukerberq qeyd edib ki, artıq "WhatsApp" əsasında ödəniş servisi bir sıra ölkələrdə sınaqdan keçirilir, bəzilərində isə növbəti altı ay ərzində istifadəyə verilməsi gözlənilir. Bununla yanaşı, "WhatsApp Pay" sisteminin istifadəyə verilməsi planlaşdırılan konkret ölkələrin adı açıqlanmır.

Qeyd edək ki, "WhatsApp Pay" elektron ödəniş sistemi 2018-ci ildən Hindistanda test edilir. Ölkədə elektron ödənişlər üçün Hindistan Milli Ödəniş Korporasiyasının mövcud "UPI" ödəniş interfeysi istifadə olunur.

 

Bizimlə əlaqə saxlayın

Digər Texnologiya xəbərləri