Türkiyədə gürcüstanlılar və çeçenlər arasında baş verən atışma ilə bağlı saxlanılanlar var

Türkiyə polisi İstanbulda Çeçenistan və Gürcüstan vətəndaşları arasında baş verən silahlı qarşıdurma ilə əlaqədar üç nəfəri saxlayıb.

InterPress.ge xəbər verir ki, bu barədə Türkiyə mətbuatı məlumat yayır.

Video yazıları araşdırıldıqdan sonra şübhəlilərin mikroavtobusla hadisə yerindən qaçdıqları müəyyən olub.

Məlumat üçün bildirək ki, İstanbulda Gürcüstan vətəndaşlarının iştirak etdiyi atışma nəticəsində Azərbaycan və Çeçenistan vətəndaşları öldürülüb.

Məlumata görə, gürcüstanlı və çeçen qrupları arasında qarşıdurma İstanbulun Başakşehir bölgəsində baş verib. Qarşıdurma nəticəsində iki nəfər ölüb, ikisi isə yaralanıb. Mübahisənin səbəbinin daşınmaz əmlak satışından əldə olunan gəlirin olduğu bildirilir.