ABŞ-ın Texas ştatının hava limanında atışma olub, ölən və yaralananlar var

ABŞ-ın Texas ştatında atışma olub.

“InterPress.ge” xəbər verir ki, bu barədə yerli KSAT telekanalı bildirib.

Məlumata görə, hadisə San-Anonio beynəlxalq hava limanında qeydə alınıb. Belə ki, naməlum kişi terminala soxularaq, ətrafdakı polis əməkdaşlarına atəş açıb. Polis onu hadisə yerindəcə zərərsizləşdirib. Onu xəstəxanaya çatdırıblar. Məlum olub ki, silahlı şəxs ölüb. Hadisə zamanı daha 2 nəfər xəsarət alıb.

Qeyd edilir ki, hadisəni törədən şəxsin psixi problemləri olub. Hava limanı artıq adi rejimdə işləyir.