12 yaşlı uşaq sosial media üçün video çəkmək məqsədilə özünü yandırdı

Ukraynada, Dneprdə 12 yaşlı uşaq sosial media üçün video çəkmək məqsədilə yanar maye tökərək özünü yandırıb.

InterPress.ge xəbər verir ki, bu barədə Ukrayna mətbuatı yazır.

Məlumata görə, məktəbli yoldaşı ilə parkda olarkən yanar maye tapıb. Bundan sonra oğlan onu tökmək və yandırmaq qərarına gəlib.

"Uşaq təcili xəstəxanaya yerləşdirildi. Həkimlər onun bədəninin 65% -də yanıq xəsarəti olduğunu təyin etdilər. Daxili orqanları da yanıb. Məktəblinin sosial mediada video yayımlamaq üçün bunu etdiyinə dair ehtimallar da var, ancaq hər şey faciəvi şəkildə bitdi", - Ukrayna mediası yazıb.