Tbilisidə dəm qazından iki nəfər həyatını itirdi

Tbilisinin Şartava küçəsindəki evlərdən birində iki nəfər CO-dan zəhərlənərək ölüb.

InterPress.ge xəbər verir ki, ölənlər Gürcüstan vətəndaşları deyil.

Məlumata görə, ölənlər İran vətəndaşlarıdır və onlardan biri 33, digəri isə 40 yaşlı kişidir.

Şirkətdən verilən məlumata görə, yaşayış evində CO-nin toplanmasına açıq yanma kameralı su qızdırıcısı səbəb olub.

"Onlar Gürcüstan vətəndaşları deyil. Evdə açıq yanma kameralı su qızdırıcısı aşkar edilib, o, əvvəllər bizim tərəfimizdən çıxarılmışdı və ixtiyari qoşulma baş verib ki, bu da CO-nun yığılmasına səbəb olub. Qeyd edək ki, hadisə kirayə evdə olub. Statistikaya görə, halların çoxu kirayə mənzillərdə baş verir", - Tbilisi Energy-dən bildirilib.