Tbilisidə məcburi köckünlər aksiya keçirir

Məcburi köçkünlər Tbilisi dənizi yaxınlığında aksiya keçirərək mənzillə təmin olunmasını tələb edirlər.

InterPress.ge xəbər verir ki, aksiya iştirakçılarının sözlərinə görə, onlar hazırda yaşadıqları yaşayış massivlərinə qayıtmaq niyyətində deyillər və gecəni küçədə keçirməyi planlaşdırırlar.

"Suallar verilib və biz konkret cavab alana qədər cavab gözləyirik. Biz buradan getmirik və getməyəcəyik", - etirazçılardan biri deyib.

Yerli sakinlər bildiriblər ki, onların yaşayış binası artıq zədələnib və bu gün bina uçmağa başlayıb.

Onların sözlərinə görə, divar və tavan zədələnir, binada hər gün yeni çatlar əmələ gəlir.