Tbilisidə "Rusiyasiz Gürcüstan və Ukrayna" dəstək aksiyası davam edir

Ukrayna səfirliyi qarşısında “Rusiyasız Ukrayna və Gürcüstan” - Ukraynaya dəstək aksiyası keçirilir. 

InterPress.ge xəbər verir ki, aksiyaya siyasətçilər, vətəndaş fəalları və sadə vətəndaşlar qoşulublar.

 Onlar dost ölkə ilə həmrəy olduqlarını bildirir, Rusiya işğalına etiraz edirlər.

Mitinqdə Ukrayna səfirliyinin nümayəndəsi də çıxış edib. Toplaşanlar Ukrayna və Gürcüstanın bayraqlarını dalğalandırırlar. Aksiyada Ukraynanın dövlət himni də səslənib.

Etirazçılar deyirlər ki, Gürcüstan çətin vəziyyətə düşəndə ​​Ukrayna onun yanında olub, indi isə növbə  Gürcüstandadır.

Biz Ukrayna xalqını və bütövlükdə Ukraynanı dəstəkləyirik, Rusiyanın işğalına qarşıyıq. Rusiya hökumətini silahdan istifadəni dayandırmağa çağırırıq”, - etirazçılardan biri dedi.