Tbilisidə Riğe- Narikala kanatı bu tarixlərdə işləməyəcək

Riğe-Narikala kanat yolu bu gündən fevralın 7-dən martın 1-dək texniki reqlamentdə nəzərdə tutulmuş işlərlə əlaqədar sərnişinlərə xidmət göstərə bilməyəcək.

InterPress.ge xəbər verir ki, bu barədə Tbilisi meriyası məlumat yayıb.

Tiflis meriyasından verilən məlumata görə, qeyd olunan müddət ərzində "İp avadanlığının (ip yolu, funikulyor) təhlükəsiz istismarı üzrə texniki reqlamentə uyğun olaraq yedəkləmə kanatının dəyişdirilməsi və servis işləri görüləcək.

Müqavilənin şərtlərinə əsasən, işləri İtaliyanın “Leitner” istehsalçısının mütəxəssisləri yerinə yetirəcək.

“Tbilisi Nəqliyyat Şirkəti yaranmış narahatlığa görə üzr istəyir”, - deyə Tbilisi meriyasının bəyanatında deyilir.