DİN əməkdaşları Tbilisidə kompüter məlumatlarına və/yaxud kompüter sisteminə müdaxilə etmək ittihamı ilə bir nəfəri saxlayıblar
Daxili İşlər Nazirliyinin Baş İstintaq İdarəsinin əməkdaşları hakimin qərarı ilə 1987-ci il təvəllüdlü şəxsi, maddi fayda əldə etmək məqsədilə kompüter məlumatlarına və/yaxud kompüter sisteminə müdaxilə etməkdə ittiham edərək saxlayıblar.
lnterPress.ge xəbər verir ki, cinayət 5 ildən 7 ilə qədər həbs cəzasını nəzərdə tutur.
“İstintaq müəyyən edib ki, 1987-ci il təvəllüdlü şəxs, cari ilin yanvar-fevral ayları ərzində Tbilisi şəhərində müxtəlif ünvanlarda yerləşən banklardan birinə məxsus kassa aparatlarının yanında vətəndaşların istifadə etdikləri plastik kartın PİN kodlarını müşahidə edərək əzbərləyib. Daha sonra təqsirləndirilən şəxs açıq vəziyyətdə qalan qeydiyyat səhifəsindən istifadə edərək vətəndaşların hesablarından pul vəsaitlərini şəxsi onlayn kazino və bukmeker hesablarına köçürüb və xüsusi “Zero” kartı vasitəsilə pulu çıxarıb”,- deyə məlumatda qeyd olunub.
Təqsirləndirilən şəxsin cinayət əməllərindən zərərçəkmiş 14 vətəndaşa 5227 lari məbləğində maddi ziyan dəyib. Gürcüstan Cinayət Məcəlləsinin 286-cı Prima maddəsinin 2-ci hissəsinin “b” yarımbəndinə əsasən, kompüter məlumatlarına və/yaxud kompüter sisteminə maddi qazanc əldə etmək məqsədilə qəsd edilməsi faktı ilə bağlı araşdırma aparılır.
