Qırmızı körpüdə iki nəfər saxlanıldı

Gürcüstan Daxili İşlər Nazirliyinin Sərhəd Polisinin əməkdaşları Qırmızı körpüdə, sərhəd sektorunun “Vaxtanqisi” mühafizə bölməsində həyata keçirdikləri əməliyyat-istintaq tədbirləri nəticəsində,  iki Azərbaycan Respublikası vətəndaşını 1998-ci il təvəllüdlü və 1989-cu il təvəllüdlü şəxsi saxlayıblar.

lnterPress.ge xəbər verir ki, bu barədə Daxili İşlər Nazirliyi məlumat yayıb.

Qurumun məlumatına görə, onlar qrup halında Gürcüstanın dövlət sərhədini qanunsuz keçməkdə, habelə külli miqdarda narkotik vasitələrin qanunsuz alınmasında, saxlanmasında və idxalında ittiham olunurlar.

Cinayətlər 15 ildən 20 ilə qədər və ya ömürlük azadlıqdan məhrumetməni əhatə edir.