Qurcaani-Tbilisi yolunda yük maşınında qəfil yanğın çıxıb

Qurcaani-Tbilisi yolunda yük maşınında qəfil yanğın çıxıb. 

InterPress.ge xəbər verir ki, qəza nəticəsində xəsarət alan olmayıb.

Güclü yanğın və tüstü səbəbindən bir neçə bələdiyyənin yanğın-xilasetmə xidmətinin hadisə yerinə çağırılması zərurəti yaranıb. Xilasedicilərin ani müdaxiləsi nəticəsində yanğın vaxtında söndürülüb. Yük maşınının bir hissəsi yanıb.

Hadisə səbəbindən nəqliyyatın hərəkətində bir neçə dəqiqəlik gecikmə yaranıb.

İlkin məlumata görə, yük maşını elektrik sistemindəki nasazlıqdan alovlanıb.