“Facebook” və “Instagram” qadınlara abort həbləri əldə etməyi təklif edən yazıları siləcək

“Facebook” və “Instagram” istifadəçilərin qadınlara abort həbləri əldə etməsini təklif edən yazılarını siləcək.  

InterPress.ge xəbər verir ki, bu  barədə “The Verge” yazıb.

ABŞ Ali Məhkəməsi abortla bağlı konstitusiya hüququnu ləğv etdikdən sonra sosial mediada qadınlara abort həbləri göndərməyi təklif edən çoxsaylı yazılar dərc olunub.

Associated Press-in dərc etdiyi belə məzmunlu test yazısı Facebook tərəfindən 1 dəqiqəyə, Verge tərəfindən dərc edilmiş yazı isə 2 dəqiqəyə silinib.

Meta-nın sözçüsü Andy Stone, sosial medianın "əczaçılıq məhsullarını almaq, satmaq, ticarət etmək, hədiyyə etmək, tələb etmək və ya alışını maliyyələşdirməyə icazə vermədiyini" söyləyib.