Rusiyadan Gürcüstana gələn ziyarətçilərin sayı artıb

2022-ci ilin iyun ayında Rusiyadan Gürcüstana gələnlərin sayı ötən ilin eyni dövrü ilə müqayisədə 6 dəfə artıb.

lnterPress.ge xəbər verir ki, bu barədə Milli Turizm Administrasiyası məlumat yayıb.

Məlumata görə, ötən ay əvvəlki ilin eyni dövrü ilə müqayisədə Rusiyadan gələn beynəlxalq ziyarətçilərin sayı 502,9% artıb.

Daha dəqiq desək, 2022-ci ilin iyun ayında Rusiyadan Gürcüstana 90 239 nəfər səfər edibsə, 2021-ci ilin eyni dövründə bu rəqəm 14 967 olub.

Onu da qeyd edək ki, beynəlxalq ziyarətçilərin sayına görə Rusiya ilk 15 ölkə arasında 1-ci yerdədir. Onu 62 192 ziyarətçi ilə Türkiyə izləyir, Ermənistan isə, 61 974 - ziyarətçi ilə 3-cü yerdədir.