Gürcüstanda 11 802 yeni koronavirus halı aşkarlanıb

Son bir həftə ərzində (24.07-31.07.2022) Gürcüstanda 11 802 nəfər koronavirusa yoluxub. Ölkədə 10 233 nəfər koronavirusdan sağalıb,10 xəstə dünyasını dəyişib.

InterPress.ge xəbər verir ki, bu barədə Xəstəliklərə Nəzarət Milli Mərkəzi məlumat yayıb.

Bir həftə ərzində ölkədə 76 309 test aparılıb. 7 günlük testin müsbət göstəricisi 15,47% təşkil edib.

Ötən həftənin (18.07-24.07.2022) məlumatına görə, Gürcüstanda 10 253 yeni koronavirusa yoluxma faktı aşkar edilib, 7 508 nəfər sağalıb, 5 nəfər vəfat edib.