10 
Avq
2022
19:09
224

Sülhməramlı əməliyyatlarda həlak olan və ya ağır yaralanan əsgərlərin övladları təhsil qrantlarından yararlanacaqlar

Sülhməramlı əməliyyatlarda həlak olan və ya ağır yaralanan əsgərlərin övladları təhsil qrantlarından yararlanacaqlar.

InterPress.ge xəbər verir ki, bu barədə Gürcüstanın Müdafiə Nazirliyi məlumat yayıb.

Qurumun verdiyi məlumata görə, Gürcüstanın Müdafiə Qüvvələrində xidmət edən şəxslər, hərbi qulluqçular, yaralanan və xəsarət alan hərbçilər və onların ailə üzvləri təhsil, mədəniyyət və ya tibb müəssisələrində müxtəlif imtiyaz və güzəştlərdən istifadə edirlər.

Müdafiə Nazirliyinin izah etdiyinə görə, yeni tədris ilindən Müdafiə Nazirliyində fəaliyyət göstərən sosial proqramlar çərçivəsində Gürcüstanın ərazi bütövlüyü uğrunda gedən döyüşlərdə həlak olmuş əsgər övladları ilə yanaşı, beynəlxalq sülhməramlı əməliyyatlarda yaralananlar və ölənlərin, habelə ağır əlilliyi olan veteranlar və ya onların uşaqları təhsil qrantlarından yararlanacaqlar.

Ali təhsil müəssisələrinə daxil olan bakalavr və magistratura proqramı tələbələri təhsil qrantı ilə maliyyələşmə imkanı əldə edəcəklər. Hökumətin fərmanı və Təhsil və Elm Nazirliyinin dəstəyi əsasında Gürcüstanın Müdafiə Nazirliyinin dövlət təlim qrantı ilə maliyyələşdirilməsi layihəsi artıq qəbul edilib və 2022-2023-cü tədris ilindən qüvvəyə minəcək.

Bizimlə əlaqə saxlayın