Bir neçə gündür ki, Gürcüstanda yüksək temperatur müşahidə olunur. Sinoptiklər bu gün və sabah yüksək temperatur proqnozlaşdırırlar.
lnterPress.ge xəbər verir ki, bu barədə Milli Ətraf Mühit Agentliyinin məlumat yayıb.
2022-ci ilin yayın pik nöqtəsi 2 gün əvvəl Tbilisidə +37 dərəcə, Cğaltuboda isə +41 dərəcə olub. Sinoptiklər yüksək temperaturun avqustun 18-dək davam edəcəyini proqnozlaşdırırlar. Dağlıq rayonlarda yüksək temperaturla yanaşı, güclü küləyin də əsəcəyi gözlənilir ki, bu da meşə yanğınlarının baş verməsinə şərait yaradan amildir.
Avqustun 19-dan bütün Gürcüstanda isti hava şəraitinin ayın sonuna kimi qalacağına baxmayaraq, temperaturun iki-üç dərəcə aşağı düşəcəyi gözlənilir.
