İori çayının kanalında iki qardaş ölü tapıldı

Saqareco bələdiyyəsinin Ucarma kəndində İori çayının kanalında 16 və 20 yaşlı qardaşların cəsədi tapılıb.

lnterPress.ge xəbər verir ki, məlumatlara görə, bir qardaşı su aparıb, digəri isə onu xilas etmək üçün çaya atılıb. 

Oğlanlar Tbilisidən analarının doğma kəndi Ucarmaya gediblər. Yerli sakinlərin sözlərinə görə, onlar bibisi oğlu ilə birlikdə çimməyə gediblər. 

“Bura gəliblər, analarının kəndində, ataları da əslən Kaxetidəndir. O yer mamırlı və bu kanal iki metr hündürlükdədir. 16 yaşlı uşaq piyada aşağı düşüb, enərkən ayağı sürüşüb, qardaşı və bibisi oğlu yuxarıda olub, bibisi oğlunun sözlərinə görə, daha sonra o baxıb ki, qardaşı yoxdur", - deyə yerli sakinlərdən biri bildirib.