Gürcüstanda sentyabrın 8-dək olan hava proqnozu açıqlandı

Sentyabrın 8-dək Gürcüstanda nisbətən sərin, arabir yağışlı hava şəraiti gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Məlumata əsasən, bəzi yerlərdə qərb küləyi əsəcək. Düzənlikdə və aran bölgələrində havanın temperaturu +21, +26 dərəcə təşkil edəcək. Sentyabrın 8-dən Qərbi Gürcüstanda, 9-dan isə Şərqi Gürcüstanda hava açılacaq, temperatur yüksələcək.

Sentyabrın 8-dək Tbilisidə qısamüddətli yağış yağacağı, şimşək çaxacağı, şimal-qərb küləyinin əsəcəyi gözlənilir. Havanın temperaturunun sentyabrın 6-da gündüz 25, 27, sentyabrın 7-8-də isə 21, 23 dərəcə isti olacağı gözlənilir.