Prokurorluq məlumat yayır

Tbilisi Şəhər Məhkəməsi alçaldıcı rəftar, zorakılıq, hədə-qorxu, şəxsi həyat sirrini saxlamaq və yaymaq ittihamı ilə bir nəfəri 6 il müddətinə azadlıqdan məhrum edib.

InterPress.ge xəbər verir ki, təqsirləndirilən şəxs  2021-ci il fevralın 21-də saxlanılıb.

Məhkəmənin paylaşdığı ittiham aktına görə, "müttəhim zərərçəkmişi cinsi oriyentasiyaya əsaslanan dözümsüzlük əsasında alçaldıcı rəftara məruz qoyub" və "onu bir neçə dəfə zorlayıb və öldürməklə hədələyib".

Prokurorluqdan bildirilib ki, prosesdə təqdim olunan sübutlar da təsdiq edir ki, təqsirləndirilən şəxs zərərçəkmiş şəxsin şəxsi həyatının sirrini əks etdirən məlumatları qanunsuz əldə edib, saxlayıb və internetdə paylaşıb.