İşğal altındakı Çxinvalidə baş verən yanğında xəsarət alan 2 nəfər Tbilisiyə gətirildi

İşğal altında olan Çxinvalidə fərdi yaşayış evində yanğın baş verib. Nəticədə 6 nəfər yaralanıb, 2 uşaq həlak olub.

InterPress.ge xəbər verir ki, bu barədə “Formula” məlumat verib.

Yanğın zamanı xəsarət alan 2 nəfər Tbilisiyə aparılıb.

Məlumata görə, onların vəziyyəti ağır olduğundan prosesə Qırmızı Xaç Cəmiyyəti cəlb olunub və qərara alınıb ki, onlar Gürcüstan hökumətinin nəzarətində olan ərazidə, paytaxt klinikalarından birində müalicə almalıdırlar.

Mütəxəssislər yanğının səbəblərini öyrənirlər. Versiyalardan birinə görə hadisəyə təbii qaz sızması səbəb olub.