Tbilisidə mənzildə meyiti tapılan tələbənin kimliyi müəyyən edildi - FOTO

Tbilisidə meyiti tapılan tələbə İsrail vətəndaşı 23 yaşlı  Basel Aboşrakdır.

InterPress.ge xəbər verir ki, onun ölümünə narkotik maddənin həddindən artıq dozasının səbəb olduğu ehtimal edilir.

Mərhumun dostları 23 yaşlı gəncin tələbə yoldaşı ilə yaşadığı mənzildə qaz sızdığını deyiblər. Onların verdiyi məlumata görə, Basel Aboşrak yatıb, bu zaman yoldaşı özünü pis hiss edib, aşağı enərək kömək istəyib. Hadisə yerinə təcili yardım çağırılıb.

“O, İsraildən idi, 23 yaşı var idi. O, dostu ilə Ukraynada yaşayırdı. Müharibə başlayandan sonra 2 ay əvvəl Gürcüstana gəliblər. Tibb fakültəsində təhsil alırdı. O, çox yaxşı insan idi. Burada narkotikdən danışmaq lazım deyil”, - mərhumun dostu deyib.