Ağır cinayət hadisəsi ilə bağlı polisə məlumat verməmək ittihamı ilə bir nəfər saxlanıldı

Hüquq-mühafizə orqanlarının əməkdaşları Xaraqaulidə baş vermiş qətl və yaralama işi ilə bağlı bir nəfəri saxlayıblar.

InterPress.ge xəbər verir ki, bu barədə Daxili İşlər Nazirliyi məlumat verib.

Bildirilib ki, xüsusilə ağır cinayət barədə xəbər verməmək üzrə 1978-ci il təvəllüdlü C.S. saxlanılıb.

Cinayətdə təqsirləndirilən ikinci şəxsə gəlincə, onun kimliyi müəyyənləşib. Hüquq-mühafizə orqanları təqsirləndirilən şəxsin yerinin müəyyən edilərək tutulması istiqamətində fəal istintaq tədbirləri həyata keçirir.

İstintaq Cinayət Məcəlləsinin 19-109 və 376-cı, iki və ya daha çox şəxsi öldürməyə cəhd və xüsusilə ağır cinayət haqqında məlumat verməmə maddələri ilə aparılır.