"Sadaxlı-Avtomobil" gömrük keçid məntəqəsində qanun pozuntusunun qarşısı alınıb

"Sadaxlı-Avtomobil" gömrük keçid məntəqəsində qanun pozuntusunun qarşısı alınıb. 

InterPress.ge xəbər verir ki, məlumatı Maliyyə Nazirliyinin Gəlirlər Xidməti yayıb.

Qurumdan verilən məlumata görə, gömrükçülər tərəfindən Ermənistan vətəndaşı A.Ş.-yə fiziki və çantasına baxış nəticəsində bəyan edilməmiş mallar, o cümlədən külli miqdarda qızıl-zinət əşyaları, 2490 ədəd qiymətli daş-qaş və mobil telefon aşkar edilərək götürülüb.

Gəlirlər Xidmətinin məlumatına görə, bəyan edilməmiş malların ümumi gömrük dəyəri 26561,18 lari təşkil edib. İş materialları cavablandırılması üçün Maliyyə Nazirliyinin İstintaq Xidmətinə göndərilib.