Azərbaycanda koronavirusla bağlı son vəziyyət açıqlanıb

“Azərbaycanda bu gün 583 nəfərdə yeni növ koronavirusa yoluxma faktı qeydə alınıb”.

InterPress.ge yerli KİV-yə istinadən xəbər verir ki, bunu Azərbaycanın Nazirlər Kabineti yanında operativ qərargahın keçirdiyi brifinqdə “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı deyib.

Onun sözlərinə görə, COVID-19 üçün götürülən analiz nümunələri müsbət çıxmış yeddi nəfər vəfat edib, sağalanların sayı isə 395 nəfərə çatıb.

Sutka ərzində bütün ərazilər üzrə yoluxma hallarının müəyyənləşdirilməsi üçün 7 min 137 test icra olunub.