Rus rublu niyə ucuzlaşır?

Rus rublu ABŞ dollarına nisbətdə ucuzlaşır. 

InterPress.ge xəbər verir ki, hazırda bir dollarla 70 rubl alına bilər ki, bu da Rusiya valyutasının bu ilin may ayının əvvəlindən bəri ən kəskin ucuzlaşmasıdır. 

Bir həftə əvvəl 1 dollarla 64 rubl, bir ay əvvəl isə 60 rubl almaq mümkün idi.

Rublun devalvasiyasının əsas səbəbi 60 dollarlıq qiymət həddinin müəyyən edilməsindən sonra neftin, o cümlədən Rusiya Uralının dəyərinin aşağı düşməsidir - Neft və digər enerji ehtiyatlarının ticarəti Rusiyanın əsas gəlir mənbəyidir. Onların qiymətinin ucuzlaşması və daha az alıcı milli valyutanın məzənnəsinə təsir edir. Rubl avro qarşısında da ucuzlaşır ki, bu da Avropa Mərkəzi Bankının pul siyasətini sərtləşdirməsinin nəticəsidir.

Bunun fonunda Rusiyanın qonşu ölkələrinin valyutaları möhkəmlənir. Müharibə ilə əlaqədar vətəndaşların ölkədən getməsi Ermənistan, Gürcüstan və Tacikistan kimi ölkələrin milli valyutalarını xeyli gücləndirib.

Bloomberg-in məlumatına görə, bu il Ermənistan dramı dollara nisbətdə 22%, gürcü larisi 16%, tacik somonisi isə 10% möhkəmlənib.