Madriddə gürcü cinayətkar qruplaşmasının üzvləri saxlanılıb

İspaniya Milli Polisi Gürcüstan hakimiyyəti ilə əməkdaşlıq edərək Madriddə ölkədə ən azı 14 evi qarət etməkdə ittiham olunan cinayətkar qrupun 25 üzvünü saxlayıb.

InterPress.ge xəbər verir ki, bu barədə İspaniya mətbuatı xəbər verir.

Onların məlumatına görə,   əməliyyat çərçivəsində evlərdə 7 axtarış keçirilib, qızıl-zinət əşyaları, qiymətli daşlar, mobil telefonlar, elektron planşetlər, noutbuklar, bahalı geyim və aksessuarlar, musiqi alətləri və digər əşyalar götürülüb.

İspaniya mətbuatının yaydığı məlumata görə, istintaq hələ başa çatmayıb və cinayət təşkilatının digər üzvlərinin də saxlanacağı istisna edilmir.