Muxianidə baş vermiş hadisə ilə bağlı qəsdən adam öldürmə maddəsi ilə istintaq başlayıb

Muxianidə baş verən hadisə ilə bağlı Cinayət Məcəlləsinin qəsdən adam öldürməyi nəzərdə tutan 108-ci maddəsi ilə istintaq başlayıb.

InterPress.ge xəbər verir ki, bu barədə DİN məlumat verib.

Muxianidə yaşayış binalarından birinin liftində kişi meyiti tapılıb. Məlum olub ki, mərhum həmin binada yaşayırmış.

Mövcud məlumata görə, liftdə yanğın izləri, cəsəddə isə yara izləri var. Meyit ekspertizaya göndərilib.

Tbilisi Polis Departamentinin direktor müavini Kaxa Muradaşvili hadisə yerindədir və onun sözlərinə görə, indiyədək hadisə yeri və ətraf ərazilərə baxış aktiv şəkildə aparılır.