Bizimlə əlaqəHaqqımızda—
Ən son:
Qardabanidə keçmiş həyat yoldaşını sifarişlə öldürməyə hazırlaşmaqda şübhəli bilinən şəxs saxlanılıbGürcüstanda bahalı avtomobillərin sayı artır – ölkədə neçə Lamborghini, Ferrari, Bugatti və Rolls-Royce var?31 yaşlı kişi elektrik cərəyanı vurması nəticəsində ölübKobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirQardabanidə keçmiş həyat yoldaşını sifarişlə öldürməyə hazırlaşmaqda şübhəli bilinən şəxs saxlanılıbGürcüstanda bahalı avtomobillərin sayı artır – ölkədə neçə Lamborghini, Ferrari, Bugatti və Rolls-Royce var?31 yaşlı kişi elektrik cərəyanı vurması nəticəsində ölübKobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişir
TVCANLI

Baş nazir İrakli Ğaribaşvili müsəlman icması ilə birgə iftarda iştirak edib

440
Baş nazir İrakli Ğaribaşvili müsəlman icması ilə birgə iftarda iştirak edib
Dinləmək üçün basın

"İftarın qeyd edilməsi bizim birliyimizin, qardaşlığımızın və dostluğumuzun daha bir sübutudur”.

"İftarın qeyd edilməsi bizim birliyimizin, qardaşlığımızın və dostluğumuzun daha bir sübutudur”.

InterPress.ge xəbər verir ki, bu barədə Gürcüstanın baş naziri İrakli Ğaribaşvili Gürcüstan müsəlman icmasının şərəfinə təşkil olunan iftarda çıxışı zamanı bildirib.

Hökumət başçısı qeyd edib ki, Gürcüstan tarixən dinc, dini birgəyaşayış ölkəsi və tolerantlıq mərkəzidir.

“Sizi müqəddəs Ramazan ayı münasibətilə ürəkdən təbrik edir və iftara gəldiyiniz üçün çox təşəkkür edirəm. Mən dostlarımı, əziz müsəlman icmamızın ruhani rəhbərlərini xüsusi hörmətlə salamlayıram. Bütün müsəlmanları, ölkəmizin bütün vətəndaşlarını müqəddəs Ramazan ayı münasibətilə təbrik etmək istəyirəm.

Cənab Zaza haqlı olaraq qeyd etdi ki, biz bu ənənəyə bir neçə il əvvəl başlamışıq və onu uğurla davam etdiririk. İftarın keçirilməsi birliyimizin, qardaşlığımızın, dostluğumuzun daha bir sübutudur. Bilirsiniz ki, biz bir-birimizin inancına, adət-ənənəsinə, mədəniyyətinə xüsusi hörmətlə yanaşırıq. Bu, bizim hamımızın fəxr etdiyimiz bir xəzinədir. Bu, atalarımızdan bizə qalan mirasdır. Ona görə də hər bir hökumət bu irsi, bu xəzinəmizi qoruyub saxlamağa, möhkəmləndirməyə və gələcək nəslə ötürməyə borcludur. Qardaşlarım, siz çox yaxşı bilirsiniz ki, Gürcüstan tarixən dinc, dini birgəyaşayış ölkəsidir və deyərdim ki, tolerantlıq mərkəzidir”, - deyə İrakli Ğaribaşvili bildirib.

Baş nazirin sözlərinə görə, ölkəmiz müsəlman icmasının birliyi baxımından seçilir.

“Ölkəmizin müsəlman icmasının birliyi baxımından seçildiyini vurğulamaq istərdim. Bu torpaqda sünnilərlə şiələr, gürcülər, azərbaycanlılar, kistlər, inquş müsəlmanları dinc yanaşı yaşayırlar. Mən heç kəsi kənarda qoymaq istəmirəm, amma bu, bütöv bir müsəlman icmasıdır, bizim böyük ailəmizi, Gürcüstanı gücləndirən böyük bir ailədir.
Vahid müsəlman mövzusu olmaq həqiqətən unikaldır və müasir dünyada nümunə, fenomen ola bilər. Qeyd etmək istərdim ki, zəhmətkeşliyi və ölkəyə sədaqəti ilə seçilən icmanızın vətənimizin tərəqqisinə və qüdrətlənməsinə verdiyi töhfəni biz çox yüksək qiymətləndiririk.

Cənab Zaza qeyd etdi ki, mənim ilk baş nazir olduğum dövrdə Din Agentlik yaradıldı. O vaxtdan bəri biz çoxlu yaxşı tədbirlər görmüşük, çox mühüm işlər öz həllini tapıb və bu proses təbii ki, davam edir. Din Qurumunun yarandığı gündən indiyədək 228 məscid müsəlman icmasına təhvil verilib, 70-ə yaxın məscid isə təhvil verilməlidir. Biz bu addımı tezliklə tamamlayacağıq.
İlk baş nazir olduğum müddətdə Acarıstanda müsəlman icması üçün yaxşı mərkəz yaratdıq, indi Tbilisidə torpaq vermişik.

Sizi bir daha təbrik edir, sizə sülh, cansağlığı və firavanlıq arzulayıram. Allah bizi qorusun”, - deyə hökumət başçısı bildirib.

Gürcüstan müsəlman icmasının şərəfinə təşkil olunan iftarda Dini Qurumlarla İş üzrə Dövlət Agentliyinin sədri Zaza Vaşağmadze, Qərbi Gürcüstanın müftisi Adam Şantadze, Gürcüstan müsəlmanlarının şeyxi Ramin İgidov, Şərqi Gürcüstanın müftisi Etibar Eminov çıxış ediblər.

İftarda icra, qanunvericilik və diplomatik korpusun nümayəndələri iştirak ediblər.

Məlumatı hökumət administrasiyası yayıb.

Xəbəri qiymətləndir
Məqalənin müəllifiHumay Məmmədova

Son xəbərlər

Qardabanidə keçmiş həyat yoldaşını sifarişlə öldürməyə hazırlaşmaqda şübhəli bilinən şəxs saxlanılıbGürcüstanda bahalı avtomobillərin sayı artır – ölkədə neçə Lamborghini, Ferrari, Bugatti və Rolls-Royce var?31 yaşlı kişi elektrik cərəyanı vurması nəticəsində ölübKobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbSon xəbərlərə bax →