Baş nazir: "Ölkəni sülh yolu ilə işğaldan azad etməli və birləşdirməliyik”

“İncildə yazıldığı kimi - vaxtı düzgün seçməliyik. Ona görə də strateji səbir lazımdır, biz ölkəni sülh yolu ilə işğaldan azad etməli və ölkəmizi birləşdirməliyik”.

InterPress.ge xəbər verir ki, bu barədə Gürcüstanın baş naziri İrakli Ğaribaşvili gürcü diasporu gününə həsr olunmuş forumda çıxışı zamanı bildirib.

Hökumət başçısı qeyd edib ki, hökumətin sülh yolu ilə işğaldan azad etmək siyasəti var.

“İndi Rusiya ilə münasibətlər və siyasətə gəlincə, bilirsiniz ki, son 10 ildə biz heç bir siyasi irəliləyiş əldə etməmişik. Dedik ki, ticarət iqtisadiyyatını bərpa edəcəyik və strateji səbr və sülhpərvər siyasət müəyyən etdik. İşğalın dinc yolla aradan qaldırılması siyasəti. Səbir çox önəmlidir dostlar. Biz gürcülər səbri çox yaxşı bilirik”, - baş nazir bildirib.