Polis Tbilisi və bölgələrdə qanunsuz odlu silahlar müsadirə edib

Daxili İşlər Nazirliyinin əməkdaşları son vaxtlar həyata keçirdikləri əməliyyat-axtarış və istintaq tədbirləri nəticəsində Tbilisi və bölgələrdə qanunsuz silah-sursat aşkar ediblər.

InterPress.ge xəbər verir ki, bu barədə Daxili İşlər Nazirliyi məlumat verib.

Onların məlumatına görə, qanunsuz olaraq odlu silah və döyüş sursatı əldə etmək, saxlamaq və gəzdirmək ittihamı ilə 15 nəfər saxlanılıb.

Odlu silah və döyüş sursatlarının qanunsuz alınması, saxlanması və gəzdirilməsi faktı ilə bağlı Gürcüstan Cinayət Məcəlləsinin 236-cı maddəsinin 3-cü və 4-cü hissələri ilə istintaq aparılır.

Qurumdan verilən məlumata görə, cinayət 3 ildən 7 ilə qədər azadlıqdan məhrumetmə ilə cəzalandırılır.