Gürcüstandan bu istiqamətə birbaşa uçuşlar başlayır

“Cyprus Airways” adlı yeni aviaşirkət Gürcüstan istiqamətində uçuşlara başlayır.

InterPress.ge xəbər verir ki, bu barədə Mülki Aviasiya Agentliyindən məlumat verilib.

Məlumata görə, Kipr Respublikasında təsis edilən Cyprus Airways aviaşirkəti Larnaka-Tbilisi-Larnaka hava xətti ilə müntəzəm uçuşlar həyata keçirməyə başlayır. Aviaşirkətin Mülki Aviasiya Agentliyinə təqdim etdiyi müraciətə əsasən, bu il iyulun 2-dən Larnaka ilə Tbilisi arasında uçuşlar həyata keçiriləcək. Uçuşlar hər bazar ertəsi, çərşənbə və bazar günləri yerinə yetiriləcək.

Gürcüstanın İqtisadiyyat və Davamlı İnkişaf Nazirliyinin Mülki Aviasiya Agentliyi iyunun 21-də Cyprus Airways-ə sözügedən istiqamətdə uçuşlara icazə verib.