Yüksək temperatur fonunda yağış və dolu gözlənilir - sinoptiklər əhaliyə xəbərdarlıq edir

Avqustun 5-dək Gürcüstanın bəzi rayonlarında yüksək temperatur fonunda qısamüddətli yağış yağacağı, şimşək çaxacağı gözlənilir. Gürcüstanın şərqində bəzi yerlərdə dolu yağacağı ehtimalı var.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Agentliyin məlumatına görə, Qərbi Gürcüstanda havanın temperaturu +28, +33 dərəcə, Şərqi Gürcüstanda isə avqustun 2-3-də +36,+38 dərəcəyədək yüksələcək. Avqustun 4-də isə +27, +32 dərəcəyə enəcək.

Tbilisidə şimşək çaxacağı qısamüddətli yağış yağacağı gözlənilir. Havanın temperaturu gündüz +33, +35 dərəcə təşkil edəcək.