Moldova XİN Rusiyanın Gürcüstana təcavüzünün 15-ci ildönümü ilə əlaqədar bəyanat yayıb

Moldova bir daha Rusiyanın hərbi işğalını pisləyir və Gürcüstanın ərazi bütövlüyü və suverenliyinə dəstəyini təsdiqləyir.

InterPress.ge xəbər verir ki, bu barədə Moldova Xarici İşlər Nazirliyi Twitter hesabında  dərc etdiyi bəyanatda  bildirib.

“Rusiyanın Gürcüstana təcavüzünün 15-ci ildönümündə biz gürcü xalqı ilə həmrəy olduğumuzu bildiririk. Moldova Rusiyanın hərbi müdaxiləsini bir daha pisləyir və Gürcüstanın beynəlxalq səviyyədə tanınmış sərhədləri daxilində bütövlüyü və suverenliyinə dəstəyini təsdiqləyir”, - bəyanatda deyilir.