Gürcüstanda mallarla xarici ticarət dövriyyəsi artıb

2023-cü ilin yanvar-iyul aylarında Gürcüstanda mallarla xarici ticarət dövriyyəsi 12 097,6 mln. ABŞ dolları təşkil edib ki, bu da əvvəlki ilin müvafiq göstəricisindən 18,0 faiz çoxdur.

InterPress.ge xəbər verir ki, bu, "Sakstat"ın məlumatlarında öz əksini tapıb.

Bundan ixrac 3 575,6 mln. ABŞ dolları (15,7 faiz artıb), idxal isə 8 522,1 mln. ABŞ dolları (19,0 faiz artıb) təşkil edib.

2023-cü ilin yanvar-iyul aylarında mənfi ticarət balansı 4 946,5 mln. ABŞ dolları olub və xarici ticarət dövriyyəsinin 40,9 faizini təşkil edib.

Gürcüstanın xarici ticarəti ilə bağlı ətraflı məlumatlar bu il avqustun 21-də dərc olunacaq.