2023-cü ildə Gürcüstanın qaragilə ixracı iki dəfə artıb

2023-cü ilin yanvar-iyul aylarında Gürcüstandan 18,2 milyon ABŞ dolları dəyərində 3006 ton qaragilə, ötən ilin müvafiq dövründə isə 8,3 milyon ABŞ dolları dəyərində 1373 ton qaragilə ixrac edilib.

lnterPress.ge xəbər verir ki, bu barədə Milli Statistika Xidməti məlumat dərc edib.

Gürcüstanda qaragilə mövsümü 2 ay davam edir. Aylar üzrə orta ixrac qiyməti belədir: İyun ayında kiloqram üçün 6,3 ABŞ dolları, iyulda isə 5,5 ABŞ dolları təşkil edib.

Milli Statistika Xidmətinin xarici ticarət portalının məlumatına görə, ilk 5 ixracatçı ölkənin siyahısı belədir:

Rusiya - 16,7 milyon ABŞ dolları dəyərində - 2809 ton
Ermənistan - 559,5 min ABŞ dolları dəyərində - 64,2 ton 
Birləşmiş Ərəb Əmirlikləri - 347,8 ABŞ dolları dəyərində - 40,4 ton 
Polşa - 175 min ABŞ dolları dəyərində - 36,9 ton 
Hollandiya - 166 min ABŞ dolları dəyərində - 24,5 ton 

Qeyd edək ki, 2023-cü ilin 7 ayında qaragilə ixracının böyük hissəsi, ümumi dəyərin 91,7%-i Rusiyaya gedib.