Gürcüstanda xiyar idxalı artıb - məhsulu hansı qiymətə alırıq?

2023-cü ilin yanvar-iyul aylarında Gürcüstan 3 milyon 564 min 460 ABŞ dolları dəyərində 9144 ton xiyar alıb ki, bu da ötən ilin eyni dövrü ilə müqayisədə təxminən bir milyon dollar çoxdur. 2022-ci ilin eyni dövründə ölkəyə 2 milyon 786 min 460 dollar dəyərində 8 min 444 ton xiyar idxal edilib. Müvafiq olaraq, məlum olur ki, əgər ötən il bir kiloqram xiyar Gürcüstana orta hesabla 32 qəpiyə başa gəlirdisə, bu il bu qiymət 39 qəpiyə yüksəlib.

InterPress.ge xəbər verir ki, məlumata görə, həm ötən il, həm də bu il ən çox xiyar Türkiyədən idxal edilib.

 Daha dəqiq desək, 2023-cü ilin yanvar-iyul aylarında Gürcüstan Türkiyədən 3 milyon 191 min 790 dollar dəyərində 8 min 182 ton xiyar alıb. İkinci yerdə İran (356,6 min dollar dəyərində 920 ton) və Ermənistan (10,580 dollar dəyərində 26 ton) gəlir.

Bütün 2022-ci ilə gəlincə, ötən il 12 ayda Gürcüstan 4 milyon 60 min 800 dollar dəyərində 11 min 875 ton xiyar alıb. Əsas idxalçı Türkiyə olub, alışın təqribən 86%-i (3 487 190 dollar dəyərində 10 133 ton), qalan həcmi isə İrandan idxal edilib (573 620 dollar dəyərində 1 741

ton).