Sərhəddə müxtəlif adda bəyan edilməmiş malların ölkəyə gətirilməsinin qarşısı alındı

Son bir ayın məlumatına görə, “Tbilisi Hava Limanı” və “Qırmızı Körpü” gömrük-keçid məntəqəsində Maliyyə Nazirliyinin Gəlirlər Xidmətinin gömrük əməkdaşlarının şübhə əsasında apardıqları ətraflı yoxlama nəticəsində müxtəlif bəyan edilməmiş mallar aşkar edilib, o cümlədən müxtəlif adda kompüter avadanlıqlarının qanunsuz olaraq ölkəyə gətirilməsinin qarşısı alınıb.

InterPress.ge xəbər verir ki, bu barədə Maliyyə Nazirliyinin Gəlirlər Xidməti məlumat verib.

Məlumata görə, bəyan edilməmiş malların ümumi gömrük dəyəri 29 924,22 lari təşkil edib.

 “Gürcüstan Gömrük Məcəlləsinin 168-ci maddəsinin I hissəsinə əsasən qanunu pozan vətəndaşlar 29 924,22 lari məbləğində pul cəriməsi ilə cəzalandırılıb”, - məlumatda deyilir.