Polis əməkdaşları qanunsuz odlu silah-sursat aşkar ediblər - 14 nəfər saxlanılıb

Daxili İşlər Nazirliyinin əməkdaşları son dövrlərdə həyata keçirdikləri tədbirlər nəticəsində Tbilisi və rayonlarda qanunsuz odlu silah-sursat götürüb, 14 nəfəri saxlayıblar.

InterPress.ge xəbər verir ki, bu barədə Daxili İşlər Nazirliyi məlumat yayıb.

Hüquq-mühafizə orqanlarının əməkdaşları tapançalar, avtomat odlu silahlar, revolver, mişarlanmış ov tüfəngi, əl qumbarası, ağızlıq, patron və bıçaqları maddi sübut kimi götürüblər.

Odlu silah və döyüş sursatlarının qanunsuz alınması, saxlanması və gəzdirilməsi faktları üzrə istintaq Gürcüstan Cinayət Məcəlləsinin 236-cı maddəsinin 3-cü və 4-cü hissələrinə əsasən aparılır.