Sinoptiklər xəbərdarlıq edir - Qar, duman, çovğun...

Yanvarın 3-5-də Gürcüstanda (əsasən ölkənin qərb bölgəsində) vaxtaşırı yağış, dağlıq və yüksək dağlıq ərazilərdə güclü qar, çovğun, duman, qar uçqunu təhlükəsi gözlənilir, dənizdə 3-4 bal gücündə fırtına ola bilər.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Onların məlumatına görə, yolların bəzi hissələrində güclü qar yağması, görüntünün zəifləməsi, çovğun, buz və uçqun təhlükəsi ilə əlaqədar olaraq avtomobillərin hərəkətinin məhdudlaşdırılması mümkündür.

Agentliyin məlumatına görə, Qərbi Gürcüstanda gözlənilən güclü yağışlar çaylarda suyun səviyyəsinin əhəmiyyətli dərəcədə artmasına, dağlıq ərazilərdə isə sürüşmələrə səbəb ola bilər.