Gömrükdə bəyan edilməmiş qızıl-zinət əşyaları aşkar edilib

Sarp və Sadaxlı-Avtomobil gömrük keçid məntəqəsində Gürcüstan və xarici ölkə vətəndaşlarının yoxlanılması nəticəsində bəyan edilməmiş qızıl (çəki - 131,56 qram) və gümüş (çəki - 194,78 qram) qızıl-zinət əşyaları aşkar edilib.

InterPress.ge xəbər verir ki, məlumatı Maliyyə Nazirliyinin Gəlirlər Xidməti yayıb.

Onların hesabatlarına görə, bəyan edilməmiş malların ümumi gömrük dəyəri 14 429,74 lari təşkil edib.

Gürcüstan Gömrük Məcəlləsinin 168-ci maddəsinin I hissəsinə uyğun olaraq qanunu pozan vətəndaşlar 14 429,74 lari məbləğində cərimə ilə cəzalandırılıb.