ABŞ Dövlət Departamentinin qlobal antikorrupsiya məsələləri üzrə koordinatoru Gürcüstana səfər edəcək

ABŞ Dövlət Departamentinin qlobal antikorrupsiya məsələləri üzrə koordinatoru Riçard Nefyu yanvarın 15-18-də Gürcüstan və Ermənistana səfər edəcək.

InterPress.ge xəbər verir ki, bu barədə ABŞ Dövlət Departamenti məlumat verib.

Dövlət Departamentinin məlumatına görə, hər iki ölkədə korrupsiyaya qarşı mübarizədə cari səylər və problemlər müzakirə olunacaq, həmçinin gələcək əməkdaşlıq sahələri müəyyən ediləcək.

Riçard Nefyu Gürcüstanda hökumət, antikorrupsiya institutları, istintaq orqanları və vətəndaş cəmiyyətinin nümayəndələri ilə görüşəcək.