12 yaşlı qıza cinsi təcavüz edən şəxsin vəziyyəti ağırdır

"45 yaşlı kişi ağır koma vəziyyətində xəstəxanaya gətirilib".

InterPress.ge xəbər verir ki, bunu Geo Hospitals-ın Saqareco Tibb Mərkəzinin direktoru Sulxan Samxaradze Kaxetidə soyuq silahla yaralanan şəxslə bağlı deyib.

Onun sözlərinə görə, kişinin bədənində çoxsaylı yaralar olub. Operativ müdaxilə edilib.

 “Vəziyyət çətin olaraq qalır. Süni nəfəs aparatındadır, reanimasiyadadır”, - Sulxan Samxaradze deyib.

Kaxetidə zorlama ittihamı ilə bir nəfər saxlanılıb. Məlumata görə, 12 yaşlı qız atasının bacısının əri tərəfindən zorlanıb. Azyaşlının qohumu hadisədən xəbər tutandan sonra zorakılıq edən şəxsi bıçaqlayıb. Yaralı xəstəxanaya çatdırılıb. Onun vəziyyəti ağırdır.