Duşeti bələdiyyəsində qarda qalmış 90-a yaxın vətəndaş xilas edilib

Fövqəladə Hallar Xidmətinin yanğınsöndürənləri və xilasediciləri Duşeti bələdiyyəsinin Roşka kəndi yaxınlığında qarda qalmış 90-a yaxın vətəndaşı xilas ediblər.

InterPress.ge xəbər verir ki, məlumatı Fövqəladə Hallar Xidməti yayıb.

Onların məlumatına görə, güclü qar nəticəsində 90-a yaxın insanın olduğu 30-a yaxın avtomobil yoluna davam edə bilməyib.

“Fövqəladə Hallar Xidmətinin əməkdaşları qısa müddətdə hadisə yerinə gəlib və xilasetmə işlərinə başlayıblar. Yanğın-xilasedicilər tərəfindən bütün müvafiq xüsusi texnikanın səfərbər olunması nəticəsində qarda qalmış bütün vətəndaşlar təhlükəsiz əraziyə aparılıb. Artıq vətəndaşların həyatı və sağlamlığı üçün təhlükə yoxdur”, - deyə bildirilib.