Yaşlı ər və arvad təbii qaz sızması nəticəsində dünyasını dəyişib

Potidə yaşlı ər və arvad təbii qaz sızması nəticəsində dünyasını dəyişib.
 

InterPress.ge xəbər verir ki, hadisə Kuçişvili küçəsində baş verib.

Məlumata görə, dəm qazından zəhərlənmiş  ər-arvad ekspertizaya göndərilib.

Hadisə şahidlərinin sözlərinə görə, ər və arvadın evdə əldəqayırma sobası olub. Çox güman ki, qaz sızmasına məhz bu səbəb olub.

Evlərinə gələn qohumları cütlük qapını açmadıqdan sonra qapını sındıraraq ər və arvadın öldüyünü görüblər.

Daxili İşlər Nazirliyində Cinayət Məcəlləsinin təhlükəsizlik qaydalarının pozulmasını nəzərdə tutan 240-cı maddəsi ilə araşdırma başlayıb.