24 yaşlı oğlanın güllələnməsi ilə bağlı iki nəfər saxlanıldı

Tbilisidə 24 yaşlı gənci qətlə yetirən iki nəfər saxlanılıb.

InterPress.ge xəbər verir ki, bu barədə məlumatı Daxili İşlər Nazirliyi təsdiqləyib.

Xatırladaq ki, hadisə Aleksandre Çavçavadze küçəsində baş verib. Əldə olan məlumata görə, gənc oğlana odlu silahdan atəş açılıb. Yaralı klinikaya aparılsa da, həkimlər onu xilas edə bilməyiblər.

Hadisə ilə bağlı Cinayət Məcəlləsinin 108 və 236-cı maddələri ilə (qəsdən adam öldürmə və qanunsuz olaraq odlu silah əldə etmə və saxlama) istintaq başlanılıb.