Bakalavr kurslarının bir hissəsi 3 illik, magistratura isə 1 illik oldu

Bakalavr kurslarının bir hissəsi 3 illik, magistratura isə 1 illik olub.

InterPress.ge xəbər verir ki, bu, təhsil naziri Giorgi Amilaxvarinin imzaladığı əmrlə nəzərdə tutulub.

Qərara əsasən, bakalavr təhsil proqramı ən azı 180 kredit və magistratura təhsil proqramı ən azı 60 kredit müəyyən edilib.

Sərəncamda qeyd olunub ki, bakalavr səviyyəsində incəsənət, biznes və idarəetmənin dar sahələrinə, magistratura pilləsində isə biznesin idarə edilməsi/idarəetmə istiqamətləri üzrə təsnif edilən təhsil proqramında dəyişiklik ediləcək.

Bu qaydanın qüvvəsi Gürcüstan qanunvericiliyi ilə nəzərdə tutulmuş tənzimlənən akademik ali təhsil proqramlarına şamil edilmir.